У Штогодніку публікуюцца артыкулы і матэрыялы па шырокім коле беларуска-латышскіх і беларуска-латвійскіх узаемадачыненняў ад старажытнасці да сучаснасці.

Асноўнымі раздзеламі з’яўляюцца:
Артыкулы. Адлюстроўваюць вынікі арыгінальных даследаванняў у сацыяльна-гуманітарных дысцыплінах (гісторыя, філалогія, дэмаграфія, сацыялогія, філасофія і інш.)
Крыніцы. Тут публікуюцца архіўныя дакументы, ўспаміны і пераклады.
Узамадзеянне на сучасным этапе. Прадугледжвае кароткія тэксты і паведамленні аб кніжных навінках, адбыўшыхся мерапрыемствах, рэалізаваных праектах і г.д.

Да публікацыі прымаюцца матэрыялы на беларускай і рускай мовах. Па ўзгадненні з Рэдкалегіяй прымаюцца таксама рукапісы на англійскай, латышскай, нямецкай і польскай мовах.

Штогоднік выдаецца на падставах Open Access пад ліцэнзіяй CC BY. Змест Штогодніка даступны бясплатна карыстальнікам, у тым ліку ўстановам. Карыстальнікі могуць чытаць, спампоўваць, капіяваць, распаўсюджваць і раздрукоўваць тэксты, але пры гэтым абавязаны захоўваць аўтарскія правы і спасылацца на поўны тэкст кожнага артыкула.

Усе аўтарскія правы застаюцца за аўтарам. Аўтар фактам дасылання ў Рэдкалегію свайго рукапісу прадастаўляе Рэдакцыйнай калегіі і Беларускаму інстытуту ў Празе бясплатную ліцэнзію на выкарыстанне працы на ўмовах Creative Commons.

Аўтары нясуць усю паўнату адказнасці за выкананне ў дасланых імі матэрыялах аўтарскіх правоў трэціх асобаў. У выпадку, калі Штогодніку будуць прад’яўлены прэтэнзіі з боку трэціх асобаў, звязаныя з парушэннем іх аўтарскіх правоў, Рэдкалегія, у мэтах дасудовага ўрэгулявання праблемы, цягам тыдня ад дня іх атрымання будзе інфармаваць пра гэта аўтара праз электронную пошту. У выпадку позвы трэцяй асобы ў суд па пытанні парушэння яго аўтарскіх правоў, аўтар, які прадставіў матэрыял у Рэдкалегію, гарантуе свой удзел у такім судзебным паседжанні.

Публікацыя ў Штогодніку з’яўляецца бясплатнай. Рэдкалегія не спаганяе з аўтараў плату за прыём тэксту для першаснай ацэнкі, за яго рэцэнзаванне, рэдагаванне, падрыхтоўку да друку і размяшчэнне на сайце. Ганарар аўтарам не выплочваецца.

Штогоднік імкнецца працаваць у адпаведнасці з Кодэксам паводзін, распрацаваным Камітэтам па этыцы публікацый (Committee on Publication Ethics – COPE).

Рэдкалегія бярэ на сябе ацэнку рукапісу з пункту гледжання інтэлектуальнага і навуковага зместу (важнасці, арыгінальнасці, дакладнасці працы, празрыстасці) і прымае да разгляду артыкулы ад аўтараў, незалежна ад іх расы, полу, сэксуальнай арыентацыі, рэлігіі, этнічнага паходжання, грамадзянства або палітычных поглядаў.

Рашэнне Рэдкалегіі прыняць або адхіліць артыкул грунтуецца выключна на значнасці, арыгінальнасці і якасці артыкула, а таксама адпаведнасці даследавання місіі Штогодніка.

Рашэнні аб публікацыі артыкулаў і матэрыялаў прымаюцца выключна Рэдакцыйнай калегіяй і не залежаць ад знешніх інстытуцый (палітычных, рэлігійных і інш.).

Члены Рэдакцыйнай калегіі не маюць права і не будуць выкарыстоўваць неапублікаваную інфармацыю, раскрытую ў прадстаўленым рукапісе, для ўласных даследчых мэт без пісьмовай згоды аўтараў.

Калі будуць выяўлены неэтычныя паводзіны аўтара публікацыі, напрыклад, плагіят, або спроба апублікаваць раней апублікаваны твор ці яго частку (так званы самаплагіят), Рэдкалегія запатрабуе тлумачэнні ў пісьмовай форме і прыме адпаведныя меры, прадугледжаныя ў рэкамендацыях COPE. Рэдкалегія таксама пакідае за сабой права апублікаваць сваё рашэнне.

Любы выпадак неэтычнай публікацыі, у тым ліку, калі ён будзе выяўлены праз шмат гадоў пасля публікацыі, падлягае расследаванню.